Ռումինիան հայտարարել է արտակարգ դրություն՝ կապված երկրում COVID-19 վարակի տարածման հետ

16 մարտի, 2020

Ռումինիայի նախագահ Կլաուս Յոհաննիսը մարտի 16-ին ստորագրել է երկրում արտակարգ դրություն հայտնելու մասին հրամանագիրը, որը կգործի 30 օրով:

Համաձայն Ռումինիայի ԱԳՆ կողմից տարածված հայտարարության՝ նոր տիպի կորոնավիրուսի (COVID-19) վարակի տարածման զսպման նպատակով մարտի 15-ին, 21:00-ից սկսած այլ երկրներից Ռումինիա ժամանող անձանցից պահանջվելու են հետևյալ քայլերը:

Եթե անձը ժամանի այնպիսի երկրից, որտեղ գրանցված է վարակի 500-ից ավելի հաստատված դեպք, ապա տվյալ անձը պետք է անցնի տնային ինքնամեկուսացում այն հասցեով, որը կհայտարարվի Ռումինիա մուտք գործելուն պես: Այս միջոցը գործելու է այլ ախտանշանների բացակայության դեպքում:

Բոլոր անձինք, ովքեր կժամանեն Ռումինիա կարանտին հայտարարած երկրներից/տարածքներից, կանցնեն պարտադիր կարանտինի: Կարանտին հայտարարած երկրների ցանկը թարմացվում է Ռումինիայի վարակիչ հիվանդությունների կանխարգելման և վերահսկման ազգային կենտրոնի կայքում, հետևյալ հղումով http://www.cnscbt.ro/index.php/1513-lista-zone-afectate-15-03-2020/file:

Հայտնում ենք, որ մարտի 13-ին, Ռումինիայում նոր տիպի կորոնավիրուսի (COVID-19) վարակի 100-ից ավելի դեպք գրանցվելուց հետո, Ռումինիան անցել է վարակի հետագա տարածմանն ուղղված գործողությունների երրորդ սցենարին, համաձայն որի՝ պահանջվել է սահմանափակել մարդկանց միջև շփումները և ուժեղացվել են առողջապահական կետերը:

Հիշեցնում ենք, որ Ռումինիայում ՀՀ դեսպանությունում գործում է թեժ գիծ՝ +40721685877 հեռախոսահամարով, որը հասանելի է նաև Viber և WhatsApp հավելվածներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր